Roxana Quispe Collantes ashiykachayta washashqa chay shimichaw
TESISTA QICHWA SHIMIPA WASHASKIR DOCTOR GRADOTA CHASKISHQA
Mana qunqanapaq. Roxana Quispe Collantes qichwa shimipa allaapa alli washashqa tesisninta grado de doctorata nishqanta chaskinanpaq Literatura Peruana y Latinoamericanachaw. Kayqa apakashqa Facultad de Letras y Ciencias Humanas de la Universidad Nacional Mayor de San Marcoschaw. Niykur 20 chaninchayta hipishqa.
Quispe Collantespa tesisnin kay shutiyuqmi kaykan: “Yawar Para, Kilku Warak’aq, Andrés Alencastre Gutiérrezpa harawin pachapi, Qosqomanta runasimipi harawi t’ikrachisqa, ch’ullanchasqa kayninpi”. Kastilla shimichawnami kayta nin: “Yawar Para (Llanto de Sangre), transfiguración y singularidad en el mundo poético quechua del harawi Cusqueño de Andrés Alencastre Gutiérrez, Kilku Warak’aq”.
Kay aruywan ashikashqa Yawar Parachaw poética de la transformaciónpita rikachiyta Kilku Warak’apa rimaynintanaw. Niykur catolicismo andino pichukaypita, sincretismo cultural cusqueñopita rikachin huknawlla rurakaananpaq. “En Yawar Para coexisten de manera fecunda las figuras del catolicismo andino y el principio de reciprocidad. La transfiguración reinterpreta la reciprocidad con el símbolo máximo de la lluvia de sangre”, nishqa tesis qillqaq shipash.
Jurado runakunami kayashqa qichwa shimi yachaqkuna, aruqkuna, ashiykachaqkuna: Dra. Isabel Gálvez Astorayme, UNMSM Cátedra Quechuapita (umalliq), Dr. Gonzalo Espino Relucé, vicedecano de Investigación y Posgrado de Letras (pushaq), Dr. Mauro Mamani Macedo (willakuq), Dr. Rómulo Monte Alto (willakuq), Dr. Dorian Espezúa Salmón (wallkiq).
Quispe Collantes shipashqa magíster Lingüísticachawmi Pontificia Universidad Católica del Perúchaw niykur yachachikuq hatun yachawasikunachawmi. Payqa parlan, qillqanpis qichwa shimichaw niykur inglés shimichawpis. Chaypita yachapakun literaturachaw, linguísticachaw, educación intercultural bilingüechaw, antropologíachaw, artechawpis. Niykur qichwa kawaykunatapis yachapakun.
Kay washayqa rikakashqa Letras TV canal universitariopa chay hinan patsalla. Munaqkunaqa kayman tanuypa yaykuyay: https://youtu.be/deT2M6LmVkQ
KANAN WILLAKUY N° 19-2019-FLCH.CIC
Lima, 15 hunaq, octubre killa, 2019 wata
LLAPANMAN WILLAKUSHUN